सोलापुरात कोरोनाचा पहिला बळी; मृत व्यक्तीचा अहवाल पॉझिटिव्ह.

 

सोलापूर / प्रतिनिधी.
आतापर्यंत एकही कोरोनाचा रुग्ण नसलेल्या सोलापुरात एका रुग्णाच्या मृत्यूनंतर त्याचा अहवाल पॉझिटिव्ह आला आहे. त्यामुळे सोलापुरात कोरोनाने शिरकाव केला असून पहिला बळी गेला आहे. याबाबतच्या वृत्तास जिल्हाधिकारी मिलिंद शंभरकर यांनी दुजोरा दिला आहे. 
कोरोनामुळे मृत्यू झालेल्या रुग्णाचे वय 56 वर्षे असून शनिवारी पहाटे त्याचा मृत्यू झाला होता. आज दुपारी 3.30 वाजता त्याची कोरोना चाचणी पॉझिटिव्ह आली आहे. त्यानंतर पाच्छा पेठ परिसरात रुग्णाच्या संपर्कात आलेल्यांचा शोध घेतला जात असून परिसर सील करण्यात येत आहे.