ALL ताज्या बातम्या विशेष लेख संपादकीय वाढदिवस विशेष व्यंगचित्र मुलाखत ADVT/ जाहिरात राजकारण कृषीवार्ता शैक्षणिक
ढेबेवाडी ग्रामीण रुग्णालयात ३५ बेडचे ऑक्सीजनसह कोवीड रुग्णालय लवकर सुरु करा.गृहराज्यमंत्री ना.शंभूराज देसाईंच्या अधिकाऱ्यांना सुचना.
August 25, 2020 • चंद्रकांत चव्हाण • ताज्या बातम्या

ढेबेवाडी ग्रामीण रुग्णालयात ३५ बेडचे ऑक्सीजनसह कोवीड रुग्णालय लवकर सुरु करा.

गृहराज्यमंत्री ना.शंभूराज देसाईंच्या अधिकाऱ्यांना सुचना.

पाटण दि.२५: पाटण तालुक्यात कोरोनाचे बाधित रुग्णांची संख्या वाढू लागली आहे. कराड तसेच सातारा येथे रुग्णांना पाठविणे गैरसोईचे होत असल्यामुळे पाटण तालुक्यात ढेबेवाडी येथील ग्रामीण रुग्णालयात कोवीड रुग्णालय सुरु करणेस सुविधा आहेत त्याठिकाणी ३५ बेडचे ऑक्सीजनसह कोवीड रुग्णालय सुरु करणेसंदर्भात जिल्हाधिकारी यांचेबरोबर चर्चा झाली असून त्याअनुषगांची पुर्वतयारी करुन हे कोवीड रुग्णालय लवकर सुरु करण्याच्या सुचना गृहराज्यमंत्री ना.शंभूराज देसाईंनी आज पाटण तहसिल कार्यालयात तालुका प्रशासनाच्या कोवीड संदर्भातील सर्व अधिकाऱ्यांना केल्या. 

              पाटण तालुक्यात कोरोना बाधित रुग्णांच्या संख्येत सतत वाढ होत असल्याने खबरदारीच्या दृष्टीने उपाययोजना करण्याकरीता गृहराज्यमंत्री ना.शंभूराज देसाईंचे अध्यक्षतेखाली आज तहसिल कार्यालय पाटण याठिकाणी तालुक्यातील कोरोना उपाययोजना संदर्भातील सर्व शासकीय अधिकाऱ्यांची बैठक झाली.यावेळी बैठकीस पाटणचे प्रातांधिकारी श्रीरंग तांबे,तहसिलदार समीर यादव,गटविकास अधिकारी मीना साळुंखे,नायब तहसिलदार प्रशांत थोरात,कोयनानगरचे सपोनी एम.एस.भावीकट्टी,तालुका वैद्यकीय अधिकारी डॉ. आर.बी.पाटील,पाटण नगरपंचायतीचे मुख्य कार्यकारी अधिकारी अभिषेक परदेशी यांची उपस्थिती होती.

           याप्रसंगी प्रारंभी ना.शंभूराज देसाईंनी संपुर्ण पाटण तालुक्यातील गाववाईज कोरोना बाधितांची माहिती तालुका प्रशासनाकडून घेतली. तालुक्यातील प्रमुख गांवामध्ये मोठया प्रमाणात कोरोना रुग्णांच्या संख्येत झपाटयाने वाढ होत आहे.कोरोना रुग्णांचा तालुक्याने ५०० च्या वर टप्पा ओलंडला आहे.एकूण ५७६ कोरोना बाधित रुग्ण आढळले त्यापैकी ३६७ रुग्ण बरे झाले आणि १७९ रुग्ण उपचार घेत आहेत. एकूण रुग्णांच्या ३० रुग्ण मयत झाले आहेत. रुग्णसंख्या वाढत असल्यामुळे कराड असो वा सातारा असो याठिकाणीही रुग्ण असल्याने आपल्या पाटण तालुक्यातील रुग्णांना कराड, सातारा याठिकाणी उपचाराकरीता बेड उपलब्ध होत नाहीत त्यामुळे पाटण तालुक्यात ढेबेवाडी येथील ग्रामीण रुग्णालयात कोवीड रुग्णालय सुरु करणेस सुविधा आहेत त्याठिकाणी ऑक्सीजनसह ३५ बेडचे कोवीड रुग्णालय सुरु करणेसंदर्भात जिल्हाधिकारी यांचेबरोबर माझी चर्चा आहे या कोवीड रुग्णालयाकरीता एमबीबीएस वैद्यकीय अधिकारीही उपलब्ध करुन देण्याचे जिल्हाधिकारी यांनी सांगितले आहे.आपल्या तालुका प्रशासनाच्या यंत्रणांनी हे कोवीड रुग्णालय लवकर सुरु करण्याच्या दृष्टीने आपणांकडून ज्या उपाययोजना या ग्रामीण रुग्णालयात करण्याची आवश्यकता आहे त्या उपाययोजना तात्काळ पुर्ण करुन घ्याव्यात जेणेकरुन लवकर हे कोवीड रुग्णालय सुरु करुन कोरोना बाधित रुग्णांची होणारी गैरसोय दुर करण्यास आपल्याला मदत होईल.असे ना.शंभूराज देसाईंनी यावेळी बैठकीत सुचित केले.

              दरम्यान १७९ जे कोरोना रुग्ण सध्या उपचार घेत आहेत त्यांची तपशिलवार माहिती ना.शंभूराज देसाईंनी बैठकीत घेतली. कोरोनाची साखळी वाढू न देता ज्या उपाययोजना तालुका प्रशासनाच्या वतीने करणे आवश्यक आहेत त्या उपाययोजना तालुका प्रशासनाने कराव्यात असे सांगत तालुक्यातील नागरिकांनीही आपल्या तालुक्यात कोरोना रुग्णांच्या संख्येत होत असलेली वाढ पहाता स्वत:ची व स्वत:च्या कुटुंबाच्या आरोग्याची काळजी घेणेकरीता आवश्यक ती काळजी घ्यावी. विनाकारण घराबाहेर पडणाऱ्यांची संख्या वाढू लागल्याने कोरोना रुग्णांच्या संख्येत वाढ होवू लागली आहे तसेच तपासणी करण्याचे प्रमाणही जास्त वाढल्याने रुग्णांचे संख्येत वाढ झाल्याचे आपल्याला दिसून येत असून प्रशासनाच्या सहकार्याने नागरिकांनीही आपली काळजी घ्यावी असे आवाहनही त्यांनी बैठकीत केले.